Zontahusid
Zontahúsið, Aðalstræti 54 á Akureyri, rauða húsið. Stytta af Nonna stendur við húsið en Nonnahús er í hvarfi aftan við það.
Nonnahus400pi
Nonnahús – minjasafn, æskuheimili rithöfundarins og jesúítaprestsins Jóns Sveinssonar, Nonna. Zontaklúbbur Akureyrar rak safnið í 50 ár, 1957 til 2007.

Í Nonnahús eru til sýnis bækur Nonna á ýmsum tungumálum, munir sem tengjast honum auk húsmuna í stíl við húsið.

Í Nonnahús eru til sýnis bækur Nonna á ýmsum tungumálum, munir sem tengjast honum auk húsmuna í stíl við húsið.

Zontasalurinn, jólafundur 2015, kertaljósin borin í salinn
Zontasalurinn, jólafundur 2015, kertaljósin borin í salinn.
Eldhús við zontasalinn. Búnaður fyrir kaffiveitingar og uppþvottavél auðveldar frágang
Eldhús við zontasalinn.
Hvannskurður í Hrísey, menn að hefjast handa sumarið 2015 sem var svalt norðanlands.
Hvannskurður í Hrísey, menn að hefjast handa sumarið 2015 sem var svalt norðanlands.
Stórsekkjum fullum af hvannarlaufi ekið áleiðis í þurrkun. Skurðarmenn búast til brottfarar.
Stórsekkjum fullum af hvannarlaufi ekið áleiðis í þurrkun. Skurðarmenn búast til brottfarar.

UM KLÚBBINN

Í klúbbnum eru nú 36 félagar. Fundir eru haldnir þriðja miðvikudag hvers mánaðar frá september til maí og eru flestir haldnir í Zontahúsinu, Aðalstræti 54, hefjast kl. 19:30 og lýkur kl. 21:30
nema janúarfundurinn sem hefst kl. 11 þriðja sunnudag mánaðarins (sjá fundaskrá vetrarins hér nokkru neðar).

Árgjald starfsársins 2019-2020 er 18.000 kr. og er greitt í maí auk þess sem á hverjum fundi er greitt 1.500 kr. fyrir kaffi og happadrætti.

Klúbburinn starfar samkvæmt lögum Zonta International og íslensk þýðing laganna er hér.

Starfið í klúbbnum, fundir

Á fyrsta fundi starfsársins er farið yfir nýliðið sumar og hugað að dagskrá vetrarins. Stundum koma félagar með hugmyndir sem stjórnin velur úr sem atriði á fundi vetrarins. Í október ár hvert er sameiginlegur fundur með Zontaklúbbnum Þórunni hyrnu sem líka starfar á Akureyri. Þá er farið yfir sameiginleg verkefni klúbbanna og sagðar fréttir af heimsþingi eða umdæmisþingi og því sem þar þótti markverðast. Stundum slær svæðisstjórinn tvær flugur í einu höggi og heimsækir báða klúbbana í einu og venjulega er farið yfir það helsta sem kom fram á formannafundi svæðisins sem þá er nýlokið. Nóvemberfundur tengist venjulega verkefnum klúbbsins og á jólafundi er sungið, gefnar gjafir og borðaður jólamatur. Einn fundur, oftast janúar- eða febrúarfundur, er haldinn á vinnustað einhvers félagans sem kynnir starf sitt og vinnustað, nema 2015 skoðuðum við Vaðlaheiðargöngin sem verið var að grafa. Árið 2019  var Verkmenntaskólinn á Akureyri heimsóttur. Á síðasta starfsári sagði einn félaginn frá siglingu sinni á skemmtiferðaskipi um heimshöfin sem kennari í háskólaprógramminu -Önn á úthafinu (nóv.), annar kynnti markþjálfun og um hvað hún snérist (jan.) og þriðji félaginn sagði frá innleiðingu Barnasáttmálans hjá Akureyrarbæ (mars). Aprílfundur er fyrri hluti aðalfundar og kjörnefnd kynnir tillögu sína að stjórn næsta starfsárs og einn félaginn sagði frá starfi sínu sem tækniteiknari. Á maífundi sem undanfarið hefur verið haldinn á veitingahúsi, er farið yfir starfið og ársreikningur klúbbsins kynntur, farið yfir verkefni sumarsins og ný stjórn tekur við.

Nonnahús – heimaverkefni til ársins 2007

Árið 1949, þegar klúbburinn var stofnaður, voru í honum 15 konur. Félagar voru lengi vel 18-20 talsins, árið 1975 hafði fjölgað í 29 félaga og árið 1984 eru 36 í klúbbnum en síðan hafa félagar verið eitthvað á fjórða tuginn, flestir 42 en fækkað svo aftur. Heimaverkefni klúbbsins frá því skömmu eftir stofnun hans var að halda á lofti minningu barnabókahöfundarins og jesúítaprestsins Jóns Sveinssonar, Nonna. Klúbburinn eignaðist æskuheimili Nonna og opnaði þar safn um hann, Nonnahús – minjasafn, þann 16. nóvember 1957, en þá voru liðin 100 ár frá fæðingu Nonna. Klúbburinn rak safnið í 50 ár en færði Akureyrarbæ það að gjöf í desember 2007 og sér Minjasafnið á Akureyri um rekstur þess.

Íslenska með Zonta – heimaverkefni sem hófst árið 2015

Íslenska með Zonta er íslenskunámskeið fyrir erlendar konur á Akureyri og nágrenni, konur sem eru barnshafandi eða með ung börn. Starfsmenn Heilbrigðisstofnunar Norðurlands á Akureyri í mæðra- og ungbarnavernd benda skjólstæðingum sínum á námskeiðið sem SÍMEY, símenntunarmiðstöð Eyjafjarðar, sér um. Það var zontakonan og kennarinn Sólveig Jónsdóttir sem þróaði námsefnið og kenndi námskeiðið í byrjun. Námskeiðið hefur nú verið haldið þrisvar sinnum og þykir gott. Það er kennt á daginn og tekur 60 kennslustundir. Lögð er áhersla á talað mál til notkunar við dagleg störf og útréttingar en allir þættir tungumálsins eru þjálfaðir. Klúbburinn greiðir námskeiðsgjaldið fyrir nemendurna.

Fjáröflun

Fundarsalur – veislusalur. Klúbburinn á hús, Zontahúsið í Aðalstræti 54 á Akureyri, þar sem á neðri hæð er fundarsalur, Zontasalurinn, þar sem flestir fundir klúbbsins og nefnda hans fara fram. Salurinn er þess á milli leigður út sem fundarsalur eða veislusalur og er það hluti af fjáröflun klúbbsins. Um útleigu sér húsnefnd klúbbsins en formaður hennar er Fjóla Björk Jónsdóttir netfang: fbjonsdottir@gmail.com og sími 897 5735 og veitir hún fúslega upplýsingar um þennan hlýlega 30-40 manna sal í gamaldags stíl. Í salnum er borðbúnaður, matar- og kaffistell, fyrir 40 manns, skjávarpi, sýningartjald og nettenging um farsímakerfið.

Í risi hússins er lítil íbúð sem leigð er út og eru tekjur af útleigunni hluti af fjáröflun klúbbsins.

Hvannskurður í Hrísey. Undanfarin ár hefur klúbburinn farið til Hríseyjar að skera hvönn sem fyrirtækið Hrísiðn þurrkar og selur sem te eða til lyfjagerðar. Klúbburinn fær greitt fyrir hvert kíló af þurrkuðu laufi sem skorið er. Farið er með ferjunni og komið á staðinn um kl. 10 á laugardegi og skorið fram eftir degi. Þetta er lífræn ræktun og laufið handskorið af kostgæfni.

Veitingar á mannfögnuðum. Jafnréttisstofa keypti veitingar af klúbbnum þegar haldið var upp á afmæli kvennafrídagsins þann 24. október 2015 í Zontasalnum eftir afhjúpun skjaldar á húsinu Aðalstræti 6 þar sem Vilhelmína Lever (1802-1879) kaus fyrst íslenskra kvenna árið 1863 í kosningum til bæjarstjórnar. Klúbburinn hefur svo tvisvar séð um kakó og smákökur fyrir Háskólann á Akureyri á 1. desember eftir athöfn við Íslandsklukkuna. Á Akureyrarvöku í ágúst 2018 breyttist Zontasalurinn í kaffihús eitt laugardagssíðdegi og þar voru seldar eplabökur með þeyttum rjóma og kaffi þeim sem gerðu sér ferð í Innbæinn milli atriða hátíðarinnar. Kaffihúsið opnaði aftur á Akureyrarvöku sumarið 2019 en þá voru einnig seldir fínir kjólar í sölutjaldi framan við húsið.

Fundir veturinn 2019-2020 hefjast kl. 19:30

18. sept.   Vetrarstarfið
14. okt.     Sameiginlegur fundur með Zontaklúbbnum Þórunni hyrnu á Brúnum í Eyjafjarðarsveit.
20. nóv.    Fræðsluerindi – 
11. des.    Jólafundur
19. jan. sunnudagur kl. 11.  Fræðsluerindi –
19. feb.     Vinnustaðafundur
18. mars   Fræðsluerindi
15. apríl    Aðalfundur, fyrri hluti
20. maí      Aðalfundur, seinni hluti

Stjórn starfsárið 2019-2020

Formaður og varaformaður skoða Síðuskóla
Tveir fyrrverandi  formenn skoða Síðuskóla

Formaður – Aðalbjörg Jónsdóttir
Varaformaður – Guðríður Gyða Eyjólfsdóttir
Gjaldkeri – Halla Margrét Tryggvadóttir
Ritari – Bryndís Elfa Valdemarsdóttir
Meðstjórnandi – Kristín Sóley Björnsdóttir
Stallari – Árún Kristín Sigurðardóttir
Varastallari – Anna Lilja Hauksdóttir 

Stjórnarfundir haldnir miðv. tveimur vikum fyrir fund kl. 16:30 á 4. hæð á Borgum.

Nefndir

Fjáröflunarnefnd
Ásta Laufey Þórarinsdóttir, formaður
Anett Blischke
Arna Heiðmar Guðmundsdóttir
Ásrún Ásgrímsdóttir

Guðrún Rósa Þórsteinsdóttir
Ingunn Helga Bjarnadóttir
Kristín Sigfúsdóttir
Margrét Gísladóttir
Margrét I. Ríkarðsdóttir
Ragnheiður Gestsdóttir

Húsnefnd (inni og úti)
Fjóla Björk Jónsdóttir, formaður
Annette J. de Vink
Auður Ingólfsdóttir
Fanney Hauksdóttir
Guðrún Þóra Gunnarsdóttir
Inga Margrét Árnadóttir
Ingibjörg Eyjólfsdóttir

Margrét Pétursdóttir
Sólveig Eiríksdóttir
Sigríður Jónsdóttir

Valnefnd 
Guðríður Gyða Eyjólfsdóttir, formaður
Anna G. Thorarensen

Guðrún María Kristinsdóttir
Klara S. Sigurðardóttir

Jafnréttisnefnd
Halla Margrét Tryggvadóttir
Anna Lilja Hauksdóttir
Kristín Heba Gísladóttir

Eva Halapi

Sameinuðuþjóðanefnd
Ingibjörg Sigríðar Elíasdóttir
Bryndís Elfa Valdemarsdóttir

Laganefnd
Ingibjörg Elíasdóttir
Andrea Hjálmsdóttir

Skjalavörslunefnd
Guðrún María Kristinsdóttir
Ragnheiður Gestsdóttir
Anna G. Thorarensen
Bryndís Elfa Valdemarsdóttir, ritari ZA

Styrkjanefnd
Andrea Hjálmsdóttir
Eva Halapi
Ingibjörg Sigríðar Elíasdóttir

Tengsla- og samskiptanefnd
Guðrún María Kristinsdóttir, formaður
Anna G. Thorarensen
Guðríður Gyða Eyjólfsdóttir
Klara S. Sigurðardóttir

Afmælisnefnd – ZA 70 ára 2019
Kristín Sóley Björnsdóttir
Guðrún Þóra Gunnarsdóttir
Ingunn Helga Bjarnadóttir
Margrét Pétursdóttir
Sigríður Jónsdóttir
Guðrún María Kristinsdóttir, tengiliður við 100 ára afmælisnefndina

Skoðunarmenn reikninga
Ásta Laufey Þórarinsdóttir
Fjóla Björk Jónsdóttir

Ljósmyndari ZA
Ragnheiður Gestsdóttir

Vefritari
Guðríður Gyða Eyjólfsdóttir

Facebook síða
Bryndís Elfa Valdemarsdóttir